FBI waondoka Zanzibar bila polisi kujua

FBI waondoka Zanzibar bila polisi kujua

Kamishna wa Polisi Zanzibar, Mussa Ali Mussa

Askari wa Upelelezi wa Marekani (FBI) waliokuja Zanzibar kusaidia uchunguzi wa kumpata aliyemuua kwa kumpiga risasi, Padri Evarist Mushi wa Kanisa Katoliki wameondoka nchini.

 

Askari hao waliondoka Zanzibar bila kukamatwa mtu yeyote anayetuhumiwa, licha ya polisi hivi karibuni kutoa mchoro wa mtu anayedaiwa kumuua padri huyo.

Kamishna wa Polisi Zanzibar, Mussa Ali Mussa alisema jana kuwa askari hao waliokuja kushirikiana na wenzao wa Tanzania, wamerudi Nairobi na wanaendelea na uchunguzi wao.
“Hawa jamaa wamerudi Nairobi. Lakini, huwezi kuwaamini sana wanaweza kusema wako watatu kumbe wako 100,” alisema Kamishna Mussa na kueleza kwamba hakumbuki tarehe waliyoondoka nchini.

FBI waliitwa nchini ili kusaidia uchunguzi wa kuuawa kwa Padri Mushi Februari 17 mwaka huu, wakati anakwenda kuongoza ibada ya Jumapili katika Kanisa la Mtakatifu Teresia lililopo Beit el Raas nje kidogo ya mji wa Zanzibar.

Kamishna Mussa alisema kwamba hadi sasa hawajapata mtuhumiwa ambaye wanaweza kumfikisha mahakamani kujibu mashtaka ya mauaji hayo.

Mussa mara kadhaa amekuwa akisema kwamba “tunakamata, tunahoji na kuachia” na kueleza kuwa, polisi wamepewa majina mbalimbali baada ya kutoa mchoro wenye taswira ya mtu anayedaiwa kumuua Padri Mushi.

Kuuawa kwa Padri Mushi kulikuja baada ya viongozi wengine wa dini, Katibu wa Mufti wa Zanzibar, Fadhil Soraga kumwagiwa tindikali na kupigwa risasi kwa Padri Ambrose Mkenda wa Kanisa Katoliki Zanzibar.

Tangu kuuawa kwa Padri Mushi kumekuwa na taarifa za kukamatwa kwa baadhi ya watu wakituhumiwa kuhusika na mauaji hayo, lakini polisi wamekuwa wakikanusha.

Serikali iliahidi kwa njia zozote kuhakikisha inawakamata watuhumiwa, huku Rais Kikwete akiahidi kutumia vyombo vya upelelezi vya ndani hata ikiwezekana vya nje kuwakamatwa wahusika.
Chanzo: Mwananchi

MTOTO WA RAIS KUSHITAKIWA ARUSHA:

MTOTO WA RAIS KUSHITAKIWA ARUSHA:

 

Kwa ufupi

Saif al-Islam Gaddafi, ambaye ni mtoto wa pili wa Gadaffi amekuwa akishikiliwa na vyombo vya usalama vya Libya tangu Novemba 19, 2011 baada ya kukamatwa wakati akijaribu kukimbia nchi hiyo baada ya kuuawa kwa baba yake na kaka yake, Mtassim Gaddafi,

Mahakama ya Afrika inayoshughulikia haki za binadamu yenye makao yake jijini Arusha imeamuru  Serikali ya Libya kuendesha kesi inayomkabili mtoto wa kiongozi wa zamani wa Libya, Muammar Gadaffi kwa uhuru na haki.
Saif al-Islam Gaddafi, ambaye ni mtoto wa pili wa Gadaffi amekuwa akishikiliwa na vyombo vya usalama vya Libya tangu Novemba 19, 2011 baada ya kukamatwa wakati akijaribu kukimbia nchi hiyo baada ya kuuawa kwa baba yake na kaka yake, Mtassim Gaddafi, Oktoba 20, 2011.
Tume ya Haki za Binadamu ya Afrika yenye makao makuu mjini Addis Ababa, Ethiopia ndiyo iliyowasilisha shauri hilo kwenye Mahakama ya Afrika kwa kuwa Serikali ya Libya haijaridhia mikataba ya kimataifa kuhusu haki za binadamu.
Kutokana na hali hiyo, hata familia ya Gadaffi ilishindwa kufungua kesi hiyo kwani taasisi au watu binafsi wa Libya hawana uwezo wa kisheria wa kufungua kesi kwenye mahakama hiyo kutokana na kikwazo cha Serikali yao.
Shauri hilo lenye namba 002/2012 lilisikilizwa na majaji kumi na moja walioongozwa na Rais wa Mahakama hiyo, Jaji Sophia Akuffo kutoka Ghana, Ijumaa iliyopita.
Wengine waliokuwemo kwenye jopo hilo ni pamoja na Makamu wake, Jaji Fatsah Ouguergouz, Jaji Mkuu wa zamani, Augustine Ramadhan pamoja na Majaji Sylvain Ore, Duncan Tambala, Gerald Niyugeko, Bernard Ngoepe, Elsie Thompson, Hadji Guisse, Kimelabalou Aba na Ben Kioko.
Jopo hilo la majaji pia limeiamuru Serikali ya Libya kuruhusu ndugu, jamaa na marafiki wa mtuhumiwa huyo kumtembelea kipindi chote shauri dhidi yake linaposikilizwa.
Serikali ya Libya imetakiwa kutoa taarifa mahakamani kuhusu utekelezaji wa amri hiyo siku 15 tangu kupokelewa kwa nakala ya hukumu.
Familia ya Gadaffi imekuwa haifurahishwi na mwenendo wa kesi ya  Saif huko Libya.

MAGAZETI YA LEO JUMATANO TAREHE 20.03.2013 VICHWA VIKUBWA LEO UKWELI KUHUSU LWAKATARE HUU HAPA,WATU 9 WAFA 53 WAJERUHIWA KATIKA AJALI NA BUNDUKI YATUMIKA KUOMBEA RUSHWA:

MAGAZETI YA LEO JUMATANO TAREHE 20.03.2013 VICHWA VIKUBWA LEO UKWELI KUHUSU LWAKATARE HUU HAPA,WATU 9 WAFA 53 WAJERUHIWA KATIKA AJALI NA BUNDUKI YATUMIKA KUOMBEA RUSHWA:

.

.

.

.

.

.

.

.

.

.

.

.

.

.

.

.

.

.

.

.CREDIT MILLADAYO

RAIS KIKWETE MGENI RASMI MAADHIMISHO YA MIAKA 60 YA BARAZA LA UUGUZI NA UKUNGA, AHANI MSIBA WA TRAFIKI ALIYEGONGWA NA GARI AZINDUA MAABARA YA UHANDISI JENI

RAIS KIKWETE MGENI RASMI MAADHIMISHO YA MIAKA 60 YA BARAZA LA UUGUZI NA UKUNGA, AHANI MSIBA WA TRAFIKI ALIYEGONGWA NA GARI AZINDUA MAABARA YA UHANDISI JENI

Rais Jakaya Mrisho Kikwete akizindua kitabu cha historia ya Uuguzi na Ukunga nchini wakati wa maadhimisho ya miaka 60 ya Baraza la Uuguzi na Ukunga Tanzania  katika bustani ya Mnazi Mmoja leo Machi 19, 2013

 Rais Jakaya Mrisho Kikwete akiweha saini kitabu cha maombolezo alipokwenda kuhani msiba wa Askari wa Usalama Barabarani aliyegongwa na gari baada ya msafara wa Rais kupita jana WP 2942 Koplo Elikiza nyumbani kwa marehemu sehemu za Ununio ,leo Machi 19, 2013

 Rais Jakaya Mrisho Kikwete akimpa mkono wa pole  mume wa marehemu alipokwenda kuhani msiba wa Askari wa Usalama Barabarani aliyegongwa na gari baada ya msafara wa Rais kupita jana WP Koplo Elikiza nyumbani kwa marehemu sehemu za Ununio ,leo Machi 19, 2013

 Rais Jakaya Mrisho Kikwete akiondoka kufungua rasmi Maabadara ya kisasa ua Uhandisi Jeni (Genetic Engineering) katika kituo cha utafiti wa Kilimo cha Mikocheni jijini Dar es salaam leo Machi 19, 103. Kushoto ni Dkt Chrtistopher Chiiza na wa pili kulia ni Mku wa kituo hicho Bw. Joseph Ndunguru

Rais Jakaya Mrisho Kikwete akiwafariji mume wa marehemu na watoto pamoja na IGP Saidi Mwema alipokwenda kuhani msiba wa Askari wa Usalama Barabarani aliyegongwa na gari baada ya msafara wa Rais kupita jana WP Koplo Elikiza nyumbani kwa marehemu sehemu za Ununio ,leo.

 PICHA NA IKULU.

AZAM FC YAPOKELEWA KWA SHANGWE JIJINI DAR ...!!!

AZAM FC YAPOKELEWA KWA SHANGWE JIJINI DAR ...!!!

 

 Na Mroki Mroki-Father Kidevu Blog-DSM

WAWAKILISHI wa Tanzania katika Kombe la Shirikisho Afrika, wamerejea jijini Dar es Salaam na kupokelewa kwa shwangwe na mashabiki na wapenzi wa timu hiyo katika uwanja wa Ndege wa Kimataifa wa Mwalimu Julius Nyerere.

Azam waliwasilini kwa mafungu kwa ndege ya Kenya Airways ambapo baadhi ya wachezaji wakiwapo wanaoichezea timu ya Tifa Taifa Stars kubaki Naorobi ispokuwa Mcha.

Azam ambao msimu huu wapo nafasi ya pili katika Ligi Kuu ya Tanzania bara walikuwa Nchini Liberia kuchuana na timu ya  Barrack Young Controllers (BYC) ambapo Azam walishinda 2-1 katika mchezo huo wa kwanza wa Raundi ya Pili ya michuano hiyo uliofanyika kwenye Uwanja wa Antonette Tubman Monrovia, Liberia.

Azam sasa itahitaji hata sare tu ili kusonga mbele, Raundi ya Tatu na ya mwisho ya mchujo kabla ya hatua ya makundi.

 Pichani ni baadhi ya wachezaji hao walipowasili uwanjani hapo.

Baadhi ya Mashabiki na Wapenzi wa Timu ya Azam FC wakicheza ngoma kwa furaha wakati wa Mapokezi ya timu hiyo leo asubuhi.

SIMBA, YANGA ZILILIPENDWA... hivi ndivyo shabiki huyu wa Azam FC alivyoandika jezi yake na akitoa salamu kwa Watani hao wa jadi katika soka nchini.

Wachezaji wa Azam FC wakipanda basi lao.

MAREKANI YARUSHA NDEGE ZA B52 KOREA KUSINI-NI TISHIO KWA KOREA KASKAZINI:

MAREKANI YARUSHA NDEGE ZA B52 KOREA KUSINI-NI TISHIO KWA KOREA KASKAZINI:

Ndege aina ya B52 ikiwa hewani

Kabla ya kuruka

SEOUL-KOREA KUSINI,

Marekani imerusha ndege zenye uwezo wa kuzuia mabomu ya Nyuklia na kubeba silaha nzito katika kile ilichoelezea kama itikio kwa vitisho vya Korea ya Kaskazini ambayo hivi karibuni imetishia kuishambulia.

"Tunaonesha uwezo kuwa tumepanua uwezo ambo ni muhimu dhidi ya tishio la Korea Kaskazini" Alisema msemaji wa Pentagon Bw. George Little.

Marekani imeonekana kutilia maanani tishio la hivi karibuni la Korea Kaskazini, ambapo hivi karibuni ilipitisha bajeti ya zaidi ya trilioni 1.5 kuboresha mitambo yake ya kutungua makombora makubwa yakiwemo ya Nyuklia huko iliyopo katika ardhi yake kama kinga dhidi ya shambulizi lolote, hali ambayo ni changamoto kwa Korea Kusini na Japan ambao pia ni maadui wa Korea Kaskazini.

PICHA ZA PAPA FRANCIS 1 AKIAPISHWA RASMI MJINI ROME.

PICHA ZA PAPA FRANCIS 1 AKIAPISHWA RASMI MJINI ROME.

 Papa Francis 1 akiwahutubia waumini wa dini ya kikristo wakati wa sherehe ya kuapishwa kwake katika nafasi hiyo.Akivalishwa peteAkimbeba mtoto

  

Akifurahia jambo.

Papa akiwa katika gari aina ya Mercedes Benz G-Class SUV wakati akipita kwenye viunga vya Kanisa la Mtakatifu Petro mjini Roma.
Umati mkubwa wa watu waliohudhuria tukio hilo leo.
Rais wa Zimbabwe, Mzee Robert Mugabe pamoja na mkewe Grace nao walikuwepo.

MAKAMU WA RAIS DK GHARIB BILAL ATOA MKONO WA POLE KWA WAFIWA WA MSIBA WA WA ALIYEKUWA ASKARI WA USALAMA BARABARANI, WP ELIKIZAELI LOKISA NNKO, ALIYEFARIKI DUNIA KWA KUGONGWA NA GARI

MAKAMU WA RAIS DK GHARIB BILAL ATOA MKONO WA POLE KWA WAFIWA WA MSIBA WA WA ALIYEKUWA ASKARI WA USALAMA BARABARANI, WP ELIKIZAELI LOKISA NNKO, ALIYEFARIKI DUNIA KWA KUGONGWA NA GARI

  Picha ya Marehemu enzi za uhai wake.

  Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiweka saini katika kitabu cha maombolezo ya msiba wa aliyekuwa askari wa Usalama Barabarani, WP Elikizaeli Lokisa Nnko, aliyefariki dunia kwa kugongwa na gari na dereva ambaye hadi sasa hajajulikana wakati akiwa katika majukumu yake ya kikazi eneo la Bamaga Mwenge jijini Dar es Salaam jana.

 Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akimfariji Prince David, mtoto wa aliyekuwa askari wa Usalama Barabarani, marehemu WP Elikizaeli Lokisa Nnko, aliyefariki dunia kwa kugongwa na gari na dereva ambaye hadi sasa hajajulikana wakati akiwa katika majukumu yake ya kikazi eneo la Bamaga Mwenge jijini Dar es Salaam jana.

   Kutoka (kulia) ni Mume wa Marehemu, David Erasto Luharara, watoto wa marehemu, Prince David na Abdulhaman David, wakiwa na huzuni.

 Baadhi ya waombolezaji wakiwa nyumbani kwa marehemu kuomboleza msiba huo.Picha na Ofisi ya Makamu Wa Raisi