KAMA UNA NDOTO YA KUJENGA MJENGO WA AJABU SOMA PICHA HAPA!

CCM WASHANGAA HELIKOPTA YA CHADEMA

Na Mwandishi wetu, Arusha
Chama cha mapinduzi (CCM)kimesema kuwa kinashangazwa na kitendo cha
chama cha demokrasia na maendeleo (Chadema)kutumia Helikpota kwenye
chaguzi zake huku kikidai kuwa ni mkombozi wa wananchi jambo ambalo ni
kujitafutia sifa na umaarufu pekee  kwa wananchi.
Hayo yameelezwa na Naibu Katibu mkuu wa CCM ambaye pia ni Naibu waziri
wa fedha Mwigulu Nchemba wakati akifungua rasmi kampeni za  udiwani
katika kata ya Sombetini .
Mwigulu alisema kuwa CCM inashangaa sana Chadema kutumia Helikpota
kwenye chaguzi nyingi hapa nchini jambo ambalo wanaonesha wazi kuwa
wanatumia gharama kubwa kwa ajili ya kuongeza sifa kwani gharama
ambazo zinatumika hadi kumalizika kwa kampeni ni zaidi ya Milioni 200.
Alisema kuwa Gharama ambayo inatumika kwenye uendeshaji wa Helkopta ni
gharama ambayo ingeweza kuwasaidia wanachama  wao lakini hata matumizi
mbalimbali ya chama hicho ambacho bado kinaonekana kukabiliwa na
changamoto nyingi sana

“wananchi wa kata ya Sombetini napendwa kuwaambia kuwa hata sisi
wenyewe huwa tunashangaa sana ujio wa hii Helikopta na ninapenda
kusema wazi helikopta hiyo inakuja ili iweze kuwazubaisha ninyi sasa
msikubali kudanganywa na helikopta baliangalieni sera za mgombea
“aliongeza Mwigulu
Pia aliwataka wananchi kuhakikisha kuwa kamwe hawatumiki kwenye siasa
za sifa na ushahbiki kwani siasa hizo wakati mwingine zinasababisha
hata vifo vya watu ambao hawana hatia ya kufa ovyo
“wananchi mnapswa kujua na kutambua kuwa siasa za sasa zimebadilika
sana msikubali kuwa mashabiki wa siasa bali mnatakiwa kuangalia zaidi
sera za vyama na mahitaji yenu msije mkachagua kiongozi kwa ushabiki
itawagharimu sana kwenye utendaji”aliongeza Mwigulu
Awali Mgombea Udiwani katika kata hiyo ya Sombetini kwa tiketi ya CCM
alisema Bw David Mollel alisema kuwa ana mikakati mingi sana ya
kuhakikisha kuwa anasaidia kata hiyo endapo kama atapata ridhaa ya
kuongoza rasmi kama diwani
David alisema kuwa changamoto ambazo atahakikisha kuwa ameweza
kuzitatua ni pamoja na urekebishaji wa barabara, uboreshaji wa masoko,
kna uimarishaji wa vikundi vya wanawake na jamii kwa ujumla.

PICHA ZA MAZISHI YA MPIGA TUMBA MAARUFU WA TWANGA PEPETA MCD

DIWANI WA KATA YA KIGERA MUSOMA GABRIEL OCHARO(CUF) APELEKWA RUMANDE.

MAHAKAMA ya Hakimu Mkazi Mfawidhi mkoa wa Mara imemsomea mashitaka ya kuharibu mali Diwani wa Kata ya Kigera Gabriel Ocharo(CUF) zenye thamani ya shilingi milioni 25,300,000 kinyume na kifungu cha 326 ya kanuni ya adhabu sura ya 16 kama ilivyofanyiwa marekebisho mwaka 2002.

Imedaiwa na Mwendesha mashitaka Jonas Kaijage mbele ya Hakimu Mkazi Mfawidhi Mwandamizi Faisal Kahamba Diwani huyo kinyume na kifungu hicho alishiriki uharibifu wa majengo sita ya madarasa katika shule ya msingi Kigera A mali ya Serikali ya Jamhuri ya Muungano wa Tanzania.

Ilielezwa na mwendesha mashitaka kinyume na utaratibu,Diwani huyo alitenda kosa hilo la uharibifu wa majengo ya madarasa ya shule hiyo na kupelekea kufanya wanafunzi kushindwa kuhudhuria vipindi madarasani.

Kutokana na kushindwa kukidhi masharti ya dhamana kulingana na thamani ya uharibifu uliofanyika katika shule hiyo,Diwani Ocharo alipelekwa rumande hadi kesi hiyo itakapo tajwa tena februari 2 mwaka huu.

Hivi karibuni katika kikao cha Baraza la madiwani wa Halimashauri ya Manispaa ya Musoma lililofanyika chini ya Naibu Meya wa Halimashauri hiyo Bwire Nyamwero(Chadema) lililotoa agizo kwa Afisa Elimu Msingi wa Halimashauri hiyo kutoa taarifa polisi juu ya uharibifu wa majengo sita ya madarasa katika shule ya msingi Kigera A uliodaiwa kufanywa na Diwani huyo. 

Kwenye kikao hicho, Diwani wa Kata ya Bweri Zidi Sondobhi(Chadema) alisema katika muhula huu wa masomo wanafunzi wa shule ya msingi Kigera A wameshindwa kuhudhulia vipindi madarasa kwa kile kilichoonekana majengo sita ya shule hiyo kung'olewa mabati na kushindwa kuezekwa hali inayofanya wanafunzi kushindwa kusoma na kuwaaomba madiwani watoe tamko la kumtaka Diwani huyo akamatwe. 

Mkurugenzi wa Halimashauri ya Manispaa ya Musoma Ahmed Sawa alilieleza Baraza hilo hakuwa na barua yoyote wala kutoa  maagizo ya kuondolewa mabati ya shule hiyo hali iliyomfanya Naibu Meya kuomba maelezo ya kina kutoka kwa Diwani wa Kata husika juu ya uhalibifu uliofanywa kwenye shule hiyo na baadae kutoa amri ya kufunguliwa mashitaka.
HABARI KWA HISANI YA SHOMARY BINDA.

HUYU NDO MWANAFUNZI WA KITANZANIA ALIYEUNDA NDEGE YA ABIRIA SHUHUDIA HAPA.

Picha ya ndege inayoundwa na kijana, Denis.

 

Kijana wa Kitanzania ambaye pia ni mwanafunzi wa Chuo kikuu cha Arusha aitwaye Denis, amefanikiwa kuunda ndege ya abiria. Kijana huyo alianza kuiunda ndege hiyo zaidi ya miezi mitatu iliyo pita na sasa ipo katika hatua za mwisho kabla hajaifanyia majaribio.
Hii ni mara ya pili kwa kijana huyu kuunda ndege baada ya kufanya majaribio mengine huko mkoani Mara ambayo yalikuwa na matunda mazuri. Ndege inayo endelea kutengenezwa na kijana huyu ipo katika eneo la Chuo kikuu cha Arusha kilichopo katika mji mdogo wa Usariver karibu na hifadhi ya wanyama ya Arusha (Arusha National Park).

Endapo majaribio ya Denis yakifanikiwa basi atakuwa ameipeperusha vyema bendera ya Tanzania na Africa kwa ujumla. Ni wito wangu kwa Serikali na taasisi binafsi kujitokeza na kumuunga mkono kijana huyu katika majaribio haya makubwa na yakimapinduzi.

Operesheni Pamoja Daima: Itamtimua huyu bundi Chadema?

Katibu Mkuu wa Chadema, Dk Willibrod Slaa akihutubia moja ya mikutano katika Operesheni Pamoja Daima inayoendelea nchi nzima. Na Mpigapicha wetu
 

Mwaka 2013 ulimalizika vibaya kwa Chadema. Vivyo hivyo mwaka huu ulianza vibaya baada ya kuingiliwa na ‘bundi’ wa migogoro aliyepania kukipasua katika makundi mawili.

Hali hiyo iliendana na uamuzi mgumu wa Kamati Kuu ya chama hicho kuwavua nyadhifa za juu viongozi watatu – Naibu Katibu Mkuu, Zitto Kabwe, Mjumbe wa Kamati Kuu, Dk Kitila Mkumbo na Mwenyekiti wa Mkoa wa Arusha, Samson Mwigamba. 

Kamati Kuu haikuishia hapo, baadaye ikawavua uanachama Dk Mkumbo na Mwigamba, huku Zitto akinusurika baada ya kufungua kesi mahakamani.

Athari za uamuzi huo zilisababisha baadhi ya viongozi wa ngazi mbalimbali ndani ya Chadema kutofautiana kimsimamo huku wengine wakifikia hatua ya kujiuzulu nafasi zao.

Miongoni mwa waliojiuzulu ni pamoja na aliyekuwa Makamu Mwenyekiti wa Taifa, Said Arfi na wenyeviti kadhaa wa mikoa, walioeleza wazi kuwa wanapinga Zitto kuvuliwa nyadhifa zake.

Mbaya zaidi ni pale mvutano huo uliposambaa hadi kwa mashabiki wa kawaida, nao wakaonekana kugawanyika katika makundi mawili, moja likimuunga mkono Zitto na jingine likibakia upande wa chama.

Hata hivyo, ingawa agenda hii haikuwekwa wazi, uongozi wa chama hicho umeibuka na mbinu ya kukabiliana na ‘bundi’ huyo wa mgawanyiko kwa kampeni maalumu iliyopewa jina la Operesheni Pamoja Daima, itakayofanyika katika mikoa tisa.

Mwenyekiti wa chama hicho, Freeman Mbowe anasema lengo kuu la kuanzisha operesheni hiyo ni pamoja na kukiimarisha chama na kuwafumbua macho Watanzania juu ya mchakato wa Katiba Mpya unaoendelea. Operesheni hiyo ya siku 14 inayoendelea katika mikoa yote isipokuwa Lindi na Mtwara, inaendeshwa na makundi sita ya viongozi matatu yakitumia helkopta na wengine magari.

Swali la kujiuliza ni je, kufanyika kwa operesheni hii kutasaidia kumfukuza ‘bundi’ huyo aliyeanza kukipasua chama?

Wachambuzi wa masuala ya kisiasa wanasema juhudi hizo zinaweza kufanikiwa kwa kiwango kizuri kwa kutegemea mwamko wa kisiasa wa mikoa wanayokwenda.

 

Ni njia sahihi

 

Mkurugenzi wa Taasisi ya Kiraia ya kufuatilia Utendaji wa Bunge (CPW), Marcossy Albanie anakubaliana na uamuzi wa chama hicho akisema operesheni hiyo ndiyo njia sahihi inayoweza kukiimarisha zaidi chama hicho. Albanie anasema harakati za kuanzisha operesheni hiyo ni pamoja na kuongeza mwamko wa Watanzania kabla ya Uchaguzi Mkuu ujao wa mwaka 2015.  Anasema mgogoro uliojitokeza ndani ya chama hicho hauwezi kuwa sababu pekee ya kuanzisha operesheni hiyo.

 

NA GAZETI LA MWANAINCHI.

DIAMOND ALIPOFANYA INTERVIEW NA KISS TV NAIROBI KENYA NA VYOMBO VINGINE VYA HABARI.

 Hii ni sehemu ya pili,ya mahojiano na media mbali mbali

Hapa Nairobi,baada ya kufanya mahojiano na

 Tuva wa Mambo mseto..nilifanya mahojiano na

 

Kiss Tv kisha nikafanya na waandishi kutoka vyombo vingine  vya habari

waliokuwa wakinisubiri nje...

kama ilivyokuwa kwenye mambo mseto...kikubwa

 walitaka kufahamu kuhusu mipango yangu ya baadae

kimziki,collabos,na maisha yangu..

 Director wa kipindi,Kiss Tv akiniwekea Mike

 Mahojiano na Kiss Tv yakaanza

 Waandishi kutoka vyombo vingine vya habari wakinisubiri

 Mahojiano yakaanza na wwaandishi wamajarida  na magazeti